Tjetër paralajmërim, pasi e rrahën brutalisht i djegin makinën shefit të Policisë Kufitare Vlorë

Pasi e masakruan, një tjetër paralajmërim i kanë dhënë Shefit të Policisë Kufitare në Vlorë, Sadik Cekës. 

Disa ditë më parë  e rrahën brutalisht   duke e lënë me plagë të shumta por  sot i kanë djegur makinën.

Ngjarja ka ndodhur gjatë natës, ndërsa ende nuk dihen autorët dhe shkaqet për të dyja ngjarjet.

Policia ka shkuar në vendin e ngjarjes dhe ka nisur hetimet në lidhje me zjarrin, duke kërkuar edhe për të zbardhur ngjarjet ku është përfshirë Sadik Ceka.

NJOFTIMI I POLICSË

Më datë 19.08.2017 rreth orës 03.40, Salla Operative Vlorë njoftohet se në lagjen ”Pavarësia”, është duke u djegur një automjet.

Shërbimet e policisë kanë kaluar menjëherë në vendngjarje dhe kanë konstatuar duke u djegur mjetin tip ”Skoda”, në pronësi të shtetasit S.C., (punonjës policie, me funksion shef i stacionit të pikës kufitare Triport).

Grupi hetimor po punon për zbardhjen e plotë të rrethanave të ngjarjes si edhe për identifikimin e autorit/ve të kësaj vepre penale. (J.V/Shuplaka)