Është pezulluar nga puna Drejtoresha e Shëndetit Publik në Pukë. Sajmira Laçi është njëkohësisht dhe kryetarja e LSI-së për Pukën, dhe po ashtu renditet e katërta në listën e LSI-së për deputetë në Shkodër.
Ajo akuzohet që është përfshirë në fushatë gjatë orarit të punës.
Laçi e mbante postin e Drejtoreshës së Shëndetit Publik që prej vitit 2009. Më parë ajo ka punuar si mjeke laborante në spitalin e Pukës.
Po ashtu që prej vitit 2005 ajo ka qenë e angazhuar në drejtimin e forumeve të gruas në LSI-në e Pukës.
Vetëm gjatë ditës së djeshme për shkak të përfshirjes në fushatë u shkarkuan drejtori i Postës, Majlind Lazimi, drejtoresha e shërbimit Kombëtar të Punësimit, Marsela Kaçorri si dhe drejtoresha e Postës në qytetin e Beratit. (E.K/SHUPLAKA)
Discussion about this post