Tjetër zjarr, hektarë të tërë me pyje digjen në Konispol. E pamundur ndërhyrja e zjarrfikësve

Gjatë ditës së sotme janë shënuar një sërë zjarresh ku janë djegur pyje të tërë nëpër Shqipëri, situatë që vazhdon njëlloj prej disa ditësh.

Një tjetër zjarr sapo është shënuar në Konispol, në Malin e Milesë, përballë me fshatin Xarrë. Deri më tani mësohet se zjarri ka djegur drurë pyjore dhe shkurre.

Për fat të mirë, zjarri shënohet larg banesave dhe nuk përbën rrezik për njerëzit, por ka shkaktuar dhe rrezikon të shkaktojë akoma më shumë dëme në pyje.

Sakaq, ndërhyrja e zjarrfikësve është e pamundur, pasi vatra e zjarrit shënohet shumë larg rrugës. (D.D/Shuplaka)