Fax News bën me dije se një zjarr ka rënë në pasditen e sotme në tregun e shumicës në Shkodër në afërsi të monumentit të 5 heronjve në aksin Shkodër-Hani i Hotit.
Ende nuk dihen shkaqet e zjarrit. Fatmirësisht zjarrëfikëset kanë arritur t’i vënë flakët në kontroll.
Mësohet se flakët janë përhapur fillimisht në një automjet mallrash. Sipas dëshmitarëve, fillimisht ka patur një shpërthim që është dëgjuar në automjet dhe për pak minuta flakët janë përhapur kryesisht në arka plastike.
Nuk raportohet për të lënduar por vetëm për dëme material.
Autoritetet janë në vendngjarje për të zbardhur shkaqet e incidentit.
(E.L/Faxweb)
Discussion about this post