Prokuroria e Lezhës ka dhënë pretencën për personat e dyshuar për tjetërsimin e tokave në Lezhë.
Mes personave që është marrë i pandehur është dhe ish-kryebashkiaku i Lezhës, Fran Frrokaj, për të cilin prokuroria e Lezhës ka kërkuar 3 vite burg.
Prokurori Erjon Shehaj ka kërkuar 43.6 vite burg në total për 19 të pandehurit, ku 3 vite kërkohen për Frrokajn, 2 vite burg për nënkryetarin e Bashkisë Enver Hafizi, 4 vite burg për ish-kryetarub e qarkut Gjok Ndoka.
Frrokaj akuzohet për shpërdorim detyre në lidhje me tjetërsimin e pronave në zonën Rana e Hedhun në Shëngjin.
Ish-kryebashkiaku i Lezhës u arrestua në mars të 2018-tës bashkë me 22 persona të tjerë si i dyshuar në aferën e tjetërsimit të tokave në bregdet.
Pasi u mbajt për disa muaj në burg, ai u la të hetohej në gjendje të lirë, dhe iu rikthye detyrës së tij në krye të Bashkisë së Lezhës, e cila për pak kohë u transferua në burg.
Frrokaj është shprehur asokohe lidhur me arrestimin e tij: Jam totalisht i pafajshëm. Akti i marrjes së tokës në pronësi vjen i plotësuar, nuk plotësohet nga bashkia. Bashkia nuk ka asnjë informacion për këtë çështje.
(E.K/Faxweb.al)
