Europarlamentarja Tanja Fajon dhe raportuesja për Kosovën i ka nisur një mesazh Këshillit të Evropës në prag të samitit ku do të disktohet dhe çështja e zgjerimit me çeljen ose jo të negociatave me Maqedonin e Veriut dhe Shqipërinë.
“Emmanuel Macron, zgjohu! Është koha që BE-ja të tregojë maturi politike dhe përgjegjshmëri! Liderët e këtyre vendeve i kanë bërë “detyrat” e tyre! Tani është koha që Këshilli i Bashkimit Europian të bëjë pjesën e tij dhe të pranojë më në fund çeljen e negociatave të anëtarësimit me Maqedoninë e Veriut dhe Shqipërinë”, shkruan Tanja Fajon në Facebook ndërsa ka bërë tag Zoran Zaev se bashku me një foto të shkrepur me kryeministrin maqedonas.
Fajon mori besimin për një mandat 5-vjeçar në PE ndryshe nga Knut Fleckenstein, raportues për Shqipërinë i cili nuk arriti të siguronte një tjetër mandat në këtë institucion të rëndësishëm të Unionit Evropian.
