Jo pak herë të rinj shqiptarë janë bërë pjesë e krimit dhe vjedhjeve në Itali. Një i ri shqiptar 20 vjecc prej kohësh ishte kthyer në makthin e italianëve pasi kishte arritur të kryente më shumë se 70 vjedhje.
Burime zyrtare bëjnë me dije se arrestimi i të riut nga Shqipëria të identifikuar si Mane Xhelaj, erdhi pas 70 vjedhje apartamentesh të bëra nga nëntori i vitit 2016 në shkurt të 2017 në provincën e Savonas dhe Xhenovës, por edhe dyqane të zonave të ndryshme si Recco, Cogoleto, Sori, Rapallo etj.
I riu shqiptar akuzohet edhe për keqpërdorimin e kartave të kreditit të vjedhura gjatë bastisjeve të tij.
Xhelaj përfitonte nga errësira dhe vidhte sende me vlerë në makina, apartamente e dyqane. Ai merrte çfarë t’i dilte para, veçanërisht kompjuterë, kuleta ose bizhuteri.
Por në grabitjen e fundit diçka nuk shkoi mirë, ishin kamerat e sigurisë së një banke që e tradhtuan. Ai u përpoq të tërhiqte para me karta debiti e krediti të vjedhura në një prej bastisjeve.
(E.K/SHUPLAKA)
