Një vajzë 18 vjeçare ka vdekur dhe katër të tjerë kanë mbetur të lënduar nga një aksident trafiku i cili ka ndodhur dje në ora 10:00 në autostradën “Ibrahim Rugova”, përkatësisht në hyrje të qytetit të Suharekës.
Lajmin e ka bërë të ditur Policia e Kosovës e cila shprehet se, “bazuar ne informacionet e para është raportuar për një aksident të rëndë trafiku me pasoja fatale, të shkaktuar në ora 10:00 paradite në autostraden “Ibrahim Rugova” ku edhe katër persona të tjerë kanë marrë lëndime trupore“.
Lidhur me shkaqet e këtij aksidenti nuk janë bërë të ditura detajet. Policia ka thënë se njësitet kompetente policore për menaxhimin e qarkullimit në autostrada janë duke u marr me rastin dhe duke hetuar shkaqet dhe rrethanat se si ka ardhë deri te ky aksident.
Ndërsa, dëshmitarë të rastit kanë thënë se personi i cili ka shkaktuar këtë aksident ka ikur nga vendi i ngjarjes. Ai ka rrëfyer edhe momentin kur kanë mbërritur në vendin e ngjarjes. “Në këtë aksident ka mbetur e vdekur një vajzë rreth 18 vjeç. Personi i cili e ka shkaktuar këtë aksident ka ikur nga vendi i ngjarjes. Kur ne ndalaum, ata që kanë shpëtuar prej aksidentit thanë që gati prej një ore ka ndodhur aksidenti”, thotë dëshmitari.
(F.GJ/FAXWEB.AL)
Discussion about this post