Tmerri në Barcelonë, rritet numri i viktimave

Numri i personave që kanë vdekur nga përplasja me furgon në “La Ramba” të Barcelonës, ka shkuar në 13-të. Mës viktimave dyshohet se ka edhe fëmijë.

Incidenti ka ndodhur pak orë në “La Rambla”, një rrugë e njohur e cila vizitohet nga turistët por që CIA e ka paralajmëruar si target terrorizmi. Pas aksidentit, shoferi i furgonit është larguar menjëherë nga vendngjarja.

Mediat spanjolle raportojnë se autoritetet janë në kërkim të shoferit të automjetit që u arratis menjëherë pas incidentit. Ndërkohë shërbimet e urgjencës i kanë bërë thirrje që njerëzit të qëndrojnë larg zonës.

Fillimisht u tha për një aksident, por tani ngjarja po trajtohet si sulm terrorist.

Përplasja ka ndodhur para restorantit hebre “Maccabi”, detaj i cili ka ngritur dyshimet për një sulm me prapavijë fetare dhe racore.

Marc Esparcia, një student 20-vjeçar i cili ishte dëshmitar në vendngjarje, ka shkruajtur në rrjetin social në Tëitter se shumë kalimtarë janë futur për t’u strehuar në një restorant, ndërsa policia ka rrethuar zonën.

“Nuk ishte zhurmë me zë të lartë dhe të gjithë vrapuan për tu fshehur diku. Kishte shumë njerëz, shumë familje se është një nga zonat më të vizituara në Barcelonë. Unë mendoj se disa njerëz janë goditur. Ishte e tmerrshme, u përhap shumë panik,” – tha i riu për BBC. Ai zbuloi gjithashtu se vetë po fshihej në dyqanin Starbucks. (D.D/Shuplaka)