Tmerri në Bërzhitë, fqinjët rrëfyen çfarë panë, ja pista ku po hetohet për vrasjen e 74-vjeçares

Detaje të reja janë zbardhur nga ngjarja e rëndë shënuar një ditë më parë në Bërzhitë, ku një 74-vjeçare është gjetur e pajetë brenda banesës së saj.

Kanë qenë fqinjët e të moshuarës që kanë njoftuar policinë, të cilët e njihnin Fatime Hidën dhe e dinin se jetonte e vetme. Ata kanë rrëfyer për dy persona që kanë dalë jashtë banesës në orët e vona të mbrëmjes.

“Nga kqyrja paraprake e kufomës dyshohet se e moshuara është lidhur këmbë e duar dhe dyshohet se vdekja ka ardhur si pasojë e asfiksisë si pasojë e bllokimit të rrugëve respiratore”, bënë me dije burime të policisë.

Nga hetimet e deritanishme dyshohet për një grabitje të mundshme, ndërsa kufoma është dërguar pranë Institutit të Mjekësisë Ligjore për kryerjen e autopsisë. (XH.A/SHUPLAKA)