Një tmerr të vërtetë po përjeton Londra që prej orës 1 e 15 të mëngjesit të sotëm me orën lokale.
Një ndërtesë 24 katëshe me më shumë se 100 apartamente banimi është përfshirë nga flakët. Ambulancat që kanë arritur në vendngjarje nuk po mundin të neutralizojnë dot zjarrin.
Fëmijë që qanin, njerëz që u hodhën nga dritaret, më shumë se 30 persona janë transportuar drejt Spitalit, dhe qindra të tjerëve nuk iu dihet fati, kjo është vetëm pak prej panoramës që ofron Londra sot.
Pavarësisht se menjëherë ekipet e zjarrëfikësve kanë mbërritur në vendngjarje ata nuk kanë mundur të shuajnë dot flakët që kishin përfshirë të gjithë banesën.
Shumë persona janë terrorizuar pa ditur fatin e të afërmëve të tyre që gjendeshin në banesë në momentet që ka rënë zjarri. Ndërtesa për shkak të diegies pritet nga moment në moment që të shëmbet.
“Kishte njerëz që bërtisnin në dritare duke kërkuar ndihmë, madje edhe fëmijë të vegjël duke u hedhur nga dritaret. Këta ishin rreth 4 ose 3-vjeçarë, të cilët nuk mund ta imagjinonin se çfarë po ndodhte. Ndërsa zjarri përparonte, ti mund të dëgjoje britmat e agonisë nga njerëzit. Ishte e tmerrshme”, tha një dëshmitare për “CNN”.
Ndërkohë që një tjetër dëshmitar u shpreh për “CNN” se kushëriri i tij që ndodhej në katin e 18-të të banesës kishte mundur që të dilte jashtë edhe pse tashmë gjendet në spital në luftë me jetën. (E.K/SHUPLAKA)
Discussion about this post