Presidenti i Këshillit të Europës Donald Tusk, ka reaguar lidhur me ngjarjen e rëndë që ndodhi sot në Barcelonë, ku një furgon u fut mes turmës së turistëve në rrugën “La Ramba” duke shkaktuar 13 viktima dhe dhjetëra të plagosur.
“E gjithë Europa është me Barcelonën. Mendimet tona janë me viktimat dhe të lënduarit nga ky sulm frikacak.”, shkruan Tusk.
Kujtojmë se një furgon u fut sot mes një turme turistësh në Barcelonë, duke shkaktuar 13 të vdekur dhe dhjetëra të plagosur.
Incidenti ka ndodhur pak orë në “La Rambla”, një rrugë e njohur e cila vizitohet nga turistët por që CIA e ka paralajmëruar si target terrorizmi. Pas aksidentit, shoferi i furgonit është larguar menjëherë nga vendngjarja.
Mediat spanjolle raportojnë se autoritetet janë në kërkim të shoferit të automjetit që u arratis menjëherë pas incidentit. Ndërkohë shërbimet e urgjencës i kanë bërë thirrje që njerëzit të qëndrojnë larg zonës.
Fillimisht u tha për një aksident, por tani ngjarja po trajtohet si sulm terrorist.
Përplasja ka ndodhur para restorantit hebre “Maccabi”, detaj i cili ka ngritur dyshimet për një sulm me prapavijë fetare dhe racore.
(D.D/Shuplaka)
Discussion about this post