“Toka po pushon”, e ka titulluar videon që artisti i njohur Kastro Zizo ka realizuar së fundmi teksa i dedikohet pandemisë së koronavirusit që ka mbyllur ‘dyert’ e Shqipërisë dhe shqiptarëve.
Teksa shfaqen në pamje momnumente të rëndësisë së lartë historike dhe kulturore, por edhe të folkut e besimit, apo zunat turistike të lakmuara që ka vendi ynë, është një material i cili të bën të reflektosh.
“Jemi munduar t’ju japim copëza shpirti nga Shqipëria jonë e bukur. Me sloganin ‘Tani mund të dëgjojmë malet’”, shkruan Kastro Zizo krah postimit të tij në rrjetet sociale ku ka ndarë me të gjithë një video me pamjet më pikante të Shqipërisë.
Përmes këtij realizimi, artisti i bën thirrje të gjithëve të dëgjojnë malet, duke pohuar se diku njerëzit kanë gabuar për shkak të gjendjes në të cilën ndodhet vendi ynë dhe gjithë bota.
Duke përmendur faktin se Shqipëria është e ‘mësuar’ me vështirësitë që i ka rezervuar shpesh koha, këngëtari jep mesazhin e shpresës dhe besimit se edhe kjo periudhë jo e mirë do të kalojë, e se shqiptarët do t’i rikthehen jetës së zakonshme me të gjitha tiparët dhe karakteristikat e saj.
“ALBANIA IN QUARANTINE
Ne kuader te projektit ” Kartolinat e qyteteve te Shqiperise” AIQ erdhi natyrshem per tju dhene pak caste reflektimi nga e gjitha kjo. Jemi munduar tju japim copeza shpirti nga Shqiperia jone e bukur. Me sloganin ” NOW WE CAN HEAR THE MOUNTAINS! ju urojme shikim te kendeshem! Nje pune qe i ka kaluar 3 vitet do te vazhdoje me synim promovimin e vendit tone ne bote. Nje super pune nga te gjithe @hijafilms dhe une qe ne cdo moment do ju dhurojme gjera te bukura. Enjoy!”, shkruan artisti.
(F.GJ/FAXWEB.AL)
