Ish-ministri i Bujqësisë Edmond Panarit i pyetur në lidhje me “tokat e Balilajve” ka theksuar se e gjithë kjo është një zhurmë që kërkon të largojë vëmendjen nga çështja Tahiri.
“Është detyrë e ministrisë së Bujqësisë që të fut në prodhim tokat. Gjithçka u bë për të shkëputur vëmendjen nga droga. Asgjë nuk është e vërtetë është një zhurmë e kotë në lidhje me tokat për Balilajt. Janë të përlyer vetë dhe kërkojnë të na përlyejnë edhe ne. Rasti në fjalë është tokë në administrin e Ministrisë së Arsimit.
Pse çfarë është parlamenti hetuesi, prokurori, thjesht si përfaqësuese i një partie nxjerr aty dokumenta. Me kaq dua t’i vë kapak kësaj historie. Shteti shqiptar është një institucion, ne shikojnë dokumentat që paraqiten në QKR, për rekodetet kriminale të tyre merren instiucione të tjera. Gjithçka është bërë për të anashkaluar çështjen Tahiri. Të gjithë ata që kanë aplikuar kanë qenë persona të lirë , me dokumente. Nuk paragjykojmë asnjë që do të bëhet pjesë e një gare. Le t’i hetojë prokuroria nëse janë persona me precedent penal.
Unë e konsideroj plotësisht normale që një tokë që nuk i duhet në përdomin ministrisë së Arsimit të japë një ministrisë së Bujqësisë. Ka pasur një diçka shumë të çuditshme anormale, ministri i Bujqësisë është thirrur në interpelancë dy herë në javë. Qëllimi ka qenë tjetër, interpelanca ka qenë mekanizmi për të dalë diku tjetër. Nuk janë presion pasi kam ndërgjegjjen time të qetë dhe jam i hapur ndaj çdo lloj hetimi.”, u shpreh Panariti. (J.V/Faxweb)
Discussion about this post