Tom Doshi, Deputeti i Shkodrës dhe njëkohësisht kandidat i PSD-së për zgjedhjet e 25 Qershorit u thërrit sërish sot në Prokurori. Ai shoqërohej avokati i tij Vladimir Meçi.
Në dalje të Prokurorisë pasi dëshmoi si i thirrur për akuzën mosdeklarimit të pasurisë, Doshi u shpreh i sigurt se e gjithë kjo është presion para fushate.
Doshi theksoi pa mëdyshje se megjithatë kjo nuk e pengon aspak, pasi nuk ka asgjë me ligjin dhe ka mbështetjen e elektoratit.
“Kjo bëhet për zgjedhje, unë kam mesazh për elektoratin të rrijë i qetë, unë nuk kam asgjë me ligjin. Unë do vij në parlament prapë dhe prokuroria do përballet ne gjykatë me akuzat. Asgjë nuk më pengon, përkundrazi më rritet mbështetja më shumë se shihet tendenca ndaj meje, unë pretendoj tre deputete në Shkodër, ardhja imë në parlament është e padiskutueshme”- tha ai.
Pyetur se kë mbështet, apo për koalicionet e mundshme ai theksoi: Unë mbështes kryeministrin Rama. Në fakt mes tyre ka pasur një krisje të raporteve kohët e fundit po mesa duket kjo nuk e pengon Doshin që ti ofrojë Ramës mbështetjen e tij. (E.K/SHUPLAKA)
