Zhose Murinjo është trajneri që ka shpenzuar më së shumti në transfertën e lojtarëve në dhjetë vitet e fundit.
Sipas listës së detajuar bazuar te “Transfermarkt” dhe “L’Equipe”, trajneri portugez arrin pothuajse 1,000 milionë euro shpenzime që nga viti 2006 për afrimin e 60 lojtarëve në Real Madrid, Çelsi dhe Mançester Junajtid.
Verën e kaluar “Special one” kërkoi 200 milionë për të sjellë në “Old Trafford” mesfushorin francez, Pol Pogba, armenin Mkitarian dhe Bailly. Tani mbetet nëse do ta kalojë këtë shumë në merkaton e dimrit.
Transferime që kanë kushtuar shumë janë edhe Chevtchenko, Diego Costa, Ëillian, Fabregas te Çelsi dhe Di Maria, Modriç apo Koentrao tek Real Madrid.
I dyti në listë renditet Karlo Ançeloti. Trajneri italian i bavarezëve kalon shumën e 836 milionë eurosh për nënshkrimin e 47 lojtarëve, në përidhuën kur ai drejtonte Milanin, Çelsin, PSG-në, Real Madridin dhe së fundmi Bajernin e Mynihut.
Ndërsa i treti pozicionohet Manuel Pelegrini, me 832.95 milionë euro të shpenzuar në vitin 2006, pasi ka transferuar 55 lojtarë nga Villarreal, Malaga dhe, mbi të gjitha, Real Madrid dhe Mançester Siti, si Kristiano Ronaldo, Kaka, Xabi Alonso , Benzema, De Bruyne, Sterling dhe Otamendi.
