Jozefina Topalli dhe Arben Imami kërkuan sot shkarkimin e kreut të PD-së, Lulzim Basha pasi sipas tyre nuk u zbatua statuti i PD-së për miratimin e listave të kandidatëve për deputetë. Gazetari Alfred Lela, i ftuar mbrëmjen e sotme në emisionin “Top Story” të gazetarit Sokol Balla u shpreh se nuk habitet nga ky veprim. Sipas tij, ata e kanë dashur që në filim dështimin e kreut të PDs-ë.
“Duhet thënë që zonjat dhe zotërinjtë që u mblodhën sot, kanë dashur që prej fillimit dështimin e Lulzim Bashës në krye të Partisë Demokratike. Është e ndershme që ta pranojmë këtë”, tha Lela.
Ndër të tjera, Lela është shprehur se kjo lëvizje, bëhet në një moment kur
Topalli dhe Imami e kuptojnë se Basha ka marrë në dorë partinë.
“Kryengritja që nxorri kryet sot ishte lexim i pamundësisë së këtij grupi pas të kuptuarit që Basha nuk mund të dështonte më, pasi e kishte marrë Partinë Demokratike”, shprehet Lela. (D.D/shuplaka)
Discussion about this post