Ish-kryetarja e parlamentit Jozefina Topalli e ka konsideruar përgjegjësin kryesor Ramën për largimet e shumta të shqiptarëve nga vendi. Sipas saj vendi ynë ka numrin më të lartë të personave që emigrojnë në Europë.
FJALA E PLOTË:
Çfarë ju pengon të arrestoni Klement Balilin? Çdo ditë dhjetra shqiptarë kapen në Itali, Greqi. A i lexoni ju raportet që nxjerrin ndërkombëtarët, a e dini ju që shqiptarët janë të dytët që largohen më shumë pas Bosnje Hercegovinës me probleme etnike. 1 milionë njerëz ikën nga vendi për shkak të regjimit të Enver Hoxhës dhe 100 mijë të tjerë ikën prej teje.
Pse gënjen kur thua që është kusht Vettingu, apo do i gënjesh se bëre me Ansablin e Vjenës. Ato tre ligje që nuk votove kur ishe në opozitë na kanë lënë ne të fundit në Ballkan. Ti mban përgjegjësi për drogën, krimin, vrasjen, po mbi të gjitha mban përgjegjësi për atë brez të djegur djemsh të rinj që dergjen burgjeve të Europës, pasi mundësia e fundit që ti i lë është të emigrojnë dhe të merren me drogë rrugëve të Europës. Ke dështuar në siguri, në Integrim, në ekonomi. Të kanë votuar se të kanë besuar. E ke kthyer vendin mbrapa, demokracia bën prapa kthehu. Të jesh i varfër nuk do të thotë të jesh injorant.
Topalli-Ramës: Ti përgjegjës për brezin e të rinjve që dergjen burgjeve të Europës
