Ish-deputetja Jozefina Topalli, ka sulmuar mjaft ashpër kreun e Partisë demokratike Lulzim lidhur me kërkesat e tij për Reformën zgjedhore.
Në një intervistë për Vizion Plus, Topalli shprehet se sistemi politik nuk mund të reformohet përmes Reformës Zgjedhore siç kërkon Basha.
“Sistemi politik nuk reformohet përmes reformës zgjedhore, ai reformohet përmes reformës së klasës politike, d.m.th të partive politike; që do të thotë përmes rritjes së demokracisë, të zbatimit të statutit; gjëra të cilat nuk kanë ndodhur gjatë kësaj periudhe në të cilën ka drejtuar Lulzim Basha“, thotë Topalli.
Ndër të tjera, ish-kryetarja e Parlamentit në kohën e qeverisë Berisha, ka ngritur disa pyetje të cilave sipas saj, Basha duhet t’u japë përgjigje.
“Herën e parë e filloi si betejë, bëri gjoja, ngriti çadrën, tradhtoi çadrën, bëri marrëveshjen dhe humbi zgjedhjet me minus 230 mijë vota.
Tani pyetjet që ai duhet t’u sqarojë demokratëve është; e para, ai me votimin elektronik kërkon që të heqë kontrollin politik, apo kontrollin e demokratëve mbi procesin zgjedhor? Është pyetje e rëndësishme që ua ka borxh demokratëve. Gjë që do të thotë se ai nuk i beson sistemit të kontrollit partiak, por i beson firmave private qoftë kjo e Beqjas apo kunatit?
Është pyetja e dytë të cilës ai duhet t’i kthejë një përgjigje. Dhe e treta, do të vazhdojë ai kundër të gjithë komunitetit ndërkombëtar që dëshmojnë dështimin e një sistemi të tillë në vende të tjera, edhe të kontinenteve të tjera, edhe brenda kontinentit tonë, si dikur Enver Hoxha që dikur me shpatë në dorë çante rrugën drejt socializmit?”,thotë Topalli. (D.D/shuplaka)
Discussion about this post