”Topi s’donte të hynte në portë”, Gjermanisë i shtohet presioni: Ndeshja me Suedinë jetë a vdekje!

Dita e djeshme nuk ishte një ditë fort e mirë për të mëdhenjtë e Botërorit, ku Gjermania humbi ndjeshjen me Meksikën.

Pavarësisht rasteve të shumta për shënim, kampionët në fuqi nuk mundën dot që të triumfonin, duke dalë kokëulut nga takimi.

Trajneri Joakim Lov, nuk e ka fshehur për asnjë çast dëshpërimin e tij, duke thënë thjesht topi nuk donte të hynte brenda. 58-vjeçari ka pranuar se kundër Suedisë do të jenë në presion, pasi u duhet patjetër fitorja nëse duan ta kalojnë grupin.

“Në pjesën e parë luajtëm shumë keq. Nuk ishim në gjendje të aplikojmë lojën tonë sulmuese apo edhe nuk e qarkulluam mirë topin. Në pjesën e dytë bëmë më shumë presion, por Meksika gjithashtu u zmbraps. Kishim disa gjuajtje në drejtim të portës, por në një apo tjetër mënyrë, dukej sikur topi s’donte të hyjë në portë. Të gjithë jemi të zhgënjyer dhe kokë ulur. Duhet të shikojmë para, e ta lëmë këtë prapa”, ka theksuar ai.

Loë, që me Gjermaninë triumfoi në vitin 2014 në Brazil, pranoi se ndeshja me Suedinë është për jetë a vdekje për Kampionët. “Duhet ta fitojmë ndeshjen e radhës, kjo as që diskutohet. Presioni është i gjithi mbi ne kundër Suedisë”, theksoi mes tjerash, Joakim Lov.

(E.K/FAXWEB.AL)