Kapiteni legjendar i Romës, Francesco Totti luajti ndeshjen e tij të fundit me verdhekuqtë. Mes lotësh e kanë pritur të gjithë tifozët fjalimin e tij të lamtumirës.
Vetë ai është shfaqur mjaft i emocionuar duke iu shprehur falenderimet të gjithë tifozëve. Në ndeshjen e tij të fundit shoqëruar nga gruaja dhe fëmijët Toti ka treguar me pak fjalë 25 vitet te Roma. Nuk kanë munguar ndërprerjet e fjalës për shkak se emocionet e mbysnin.
Roma ka qenë i vetmi ekip me të cilin është aktivizuar Totti, për 25 vite, që prej vitit 1992. Gjatë kësaj periudhe, kapiteni i Romës ka luajtur 786 ndeshje dhe ka shënuar 307 gola.
Gjithashtu Totti ka fituar edhe pesë trofe me verdhekuqtë, 1 kampionat italian, dy kupa Italie dhe dy Superkupa. (E.K/SHUPLAKA)
https://www.youtube.com/watch?v=wj1AdnToGz4
