Pak ditë më parë Dua Lipa u bë pjesë e mediave rozë pas një fotografie të shpërndarë, ku dukej i dashuri i saj, Isaac Carew shumë pranë një tjetër vajze në klub.
Sakaq ka ardhur më në fund edhe reagimi nga modeli, i cili u është përgjigjur në Instagram zërave të përhapur.
Isaac ka postuar një foto duke u përqafuar me Duan, teksa shpjegon pjesën e tij të historisë, pasi ka konfirmuar se ata janë bashkë dhe të lumtur me njëri-tjetrin.
Ai e ka mohuar kategorikisht tradhëtinë ndaj bukuroshes shqiptare, ndërsa shton që janë shumë të lumtur që janë kthyer bashkë.
“Nuk do të doja që ju të mendoni, se Dua është në një lidhje me dikë, që nuk e do dhe nuk e respekton atë. Ajo nuk do ta duronte këtë.
Unë dhe Dua kemi qenë pre e portaleve të shumta kohëve të fundit. Ata janë duke krijuar dramë. Unë kam qenë në një bar të homoseksualëve, duke kërcyer me një shoqe timen.
Aty nuk ka pasur puthje dhe jam shumë i zhgënjyer me vetën time, që kam kërcyer vetëm për pak momente, që tashmë u bënë shkak për një thashethemnajë të tillë.
Ka qenë një klub i zhurmshëm dhe unë po i flisja asaj në vesh. Mos besoni gjithçka që ju shihni, sepse këta njerëz janë të paguar, që të krijojnë dramë.
Ne jemi shumë të lumtur, që jemi bashkë përsëri. Ne nuk jemi ndarë për shkak të mos besimit ose problemeve të ngjashme. Problemi jonë ka qenë koha dhe pamundësia për të ndenjur bashkë”, shkruar Isaac.
Discussion about this post