Trafik droge me “Fuoristradë” me targa amerikane, iu gjet lidhur dhe një karel mjeti ujor

Rreth katër orës pas lajmit për gjetjen e një automjeti tip “Fuoristradë” në det, në “Plazhin e Vjetër” të Vlorës, mjeti është nxjerrë nga uji.

Burime të policisë së qytetit bregdetar kanë bërë me dije se mjeti është me targa amerikane DH 7863, ndërkohë që nuk dihet pronari i saj.

Mësohet se në automjet u gjet i lidhur edhe një karrel mjeti ujor 5 metra i gjatë që shton dyshimet e policisë së “Fuoristrada” me targa amerikane është përdorur për trafik droge.

“Makina u gjet rreth orës 07:22 në det. “Ngjarja ka ndodhur në zonën ujore të Plazhit të Vjetër, ku rreth 20-30 m larg nga bregu i detit është gjetur në ujë një automjet tip ‘Fuoristradë’. Automjeti ndodhet brenda në ujë dhe përreth tij deri tashmë nuk vërehet të ketë ndonjë material të kundërligjshëm”, bënte me dije në mëngjes Policia e Vlorës. (XH.A/SHUPLAKA)