Në vijim të masave të ndërmarra nga policia kufitare për goditjen e trafiqeve të paligjshme, sot rreth orës 15:00 në hyrje të Republikës së Shqipërisë si rezultat i kontrolleve të vazhdueshme nga punonjësit e këtij stacioni, u krye bllokimi i nje automjeti tip kamion, i markës Mercedes Benz me targa ZHE4429, pasi ky kamion ishte i vjedhur në Greqi dhe i shpallur në kërkim nga Interpoli, fakt i cili nuk është kapur nga punonjësit e doganës greke.
Ky automjet po sillej në Shqipëri nga shtetasi S.B nga Tepelena. Policia kifitare e Pikës Kalimit Kakavijë mbetet e vendosur të luftojë çdo fenomen të trafiqeve të paligjshme dhe të vendos para drejtësisë autorët.
U krye bllokimi dhe sekuestrimi i mjetit ndërsa autori është shoqëruar në ambientet e DVP Gjirokastër për veprime të mëtejshme si i dyshuar për kryerjen e veprës penale “trafikim i mjeteve motorike”.
(M.Q/Faxweb)
Discussion about this post