Mes 11 të arrestuarve në Tiranë për trafik qeniesh njerëzore është vënë në pranga edhe një shtetas, me detyrë punonjës policie.
I ndaluari është identifikuar si Elton Shtrepi 32 vjeç, banues në Tiranë, me detyrë punonjës policie.
“Elton Shtrepi, 32 vjeç, banues në Tiranë me detyrë punonjës policie. Ndaluar për veprën penale të “Ushtrimi i ndikimit të autoritetit të paligjshëm ” Shfrytëzim prostitucioni kryer në bashkëpunim , dhe Moskallëzim krimi”, parashikuar nga nenet 245/1, 114 / 25 dhe neni 300 i Kodit Penal.”, bëhet me dije në njoftimin e policisë.
Trafikimi i vajzave të reja të moshave të ndryshme, kryhej lehtësisht mes organizatorëve që shfaqeshin si taksistë. Veç të tjerash, ata trafikonin edhe lëndë narkotike që ua shisnin klientëve. (XH.A)
