Një shtetas shqiptar i kërkuar për trafik ndërkombëtar droge është arrestuar nga policia italiane. Shtetasi i identifikuar si Feim Lamaj, 34 vjeç, banor në provincën e Forli-Cesena, u gjet brenda një shtëpie në qendër të Taranto, e cila kishte tërhequr vëmendjen e policisë me hyrjet e daljet të pazakonta të njerëzve.
Gjatë kontrollit të shtëpisë, karabinierët gjetën dhe konfiskuan dy detektorë GPS, dy telefona celularë, një notepad, 1660.00 euro, si dhe një pasaportë me të njëjtin emër dhe një mbiemër të ndryshëm,
Pasaporta false është përdorur shpeshherë nga ai që të mos identifikohet nga policia. Siç raportojnë mediat italiane grupi ku ai bënte pjesë trafikonte drogën me avionë të vegjël drejt Italisë.
(J.D/Faxweb.al)
