Trageti i mallrave përplas 3 peshkarexhat gjatë stuhisë në Durrës, plagosen dy peshkatarë

Stuhia dhe reshjet e shumta të shiut kanë shkaktuar edhe një incident në portin e Durrësit, ku kanë mbetur të plagosur dy peshkatarë.

Bëhet e ditur se si pasojë e erërave të forta dhe reshjeve të shiut, një traget mallrash ka përplasur tri peshkarexhe, duke vënë në rrezik jetën e peshkatarëve. Dy të plagosurit, identiteti i të cilëve nuk dihet ende, janë transportuar në urgjencën e spitalit të Durrësit, jashtë rrezikut për jetën.

Bëhet e ditur se si pasojë e përplasjes, njëra prej peshkarexhave, “Karmela”, është dëmtuar më shumë se të tjerat dhe rrezikon të fundoset. (XH.A/SHUPLAKA)