Katër skiatorë janë vrarë dhe një tjetër është zhdukur pas një orteku në Alpet jugore, thanë autoritete franceze.
Gjatë një vizite në qytetin jugor të Nisës, kryeministri francez Edouard Philippe u tha gazetarëve se operacionet e shpëtimit janë ende në vazhdim.
Mediat lokale thanë se skiatorët, duke përfshirë një udhërrëfyes, ishin jashtë rrugës në një zonë të largët të parkut kombëtar Mercantour.
Sipas njoftimit tw autoriteteve franceze, orteku u shkaktua pak para orës 13:00 me orën lokale të premten.
Ky është orteku më vdekjeprurës këtë dimër që godet Francën, ndërsa më 15 shkurt një tjetër ortek në malet Pirenej vrau tre skiatorë. Gjithsej 16 vetë kanë vdekur që nga fillimi i sezonit të skive të Francës në nëntor dhe 11 të tjerë janë plagosur.
Autoritetet franceze kishin paralajmëruar për rrezikun e lartë ortekëve në Alpe si rezultat i sasisë së madhe të dëborës.
(M.Q/Faxweb)
