Një ngjarje e rëndë është shënuar këtë pasdite në Itali, ku një bebe që sapo kishte mbushur 1 vjeç është sulmuar për vdekje nga dy qen të racës pitbull. 1-vjeçarja ishte vajza e një shqiptari dhe një gruaje italiane.
Ngjarja ka ndodhur në komunën e Flero, në krahinën e Brescia. Vogëlushja me origjinë shqiptare, ka qenë duke luajtur në oborrin e shtëpisë së gjyshit kur u sulmua nga qentë.
Gjyshi i saj një 63-vjeçar, pronar i kafshëve është përpjekur ta shpëtojë mbesën, por nuk ka mundur dot. Vogëlushja nuk ka mundur t’u mbijetojë dot kafshimeve dhe si rezultat ka humbur jetën.
Ndërkohë policia italiane ka nisur hetimet për të zbardhur ngjarjen e plotë. (D.D/Shuplaka)
