Tragjedi në Kolonjë, 53-vjeçari gjendet i pajetë në përrua

Gjatë ditës së sotme është zbuluar një trup i pajetë në Kolonjë, pikërisht në përroin e fshatit Starje.

Mësohet se trupi i përket një 53-vjeçari me iniciale G.SH. Mendohet se viktima është mbytur si pasojë e vërshimit të ujit në këtë përrua, mirëpo detajet se si ka përfunduar atje, janë ende të paqarta.

NJOFTIMI I POLICISË

Kolonjë Informacion paraprak : Më datë 07.06.2017, në përroin e fshatit Starje, është gjetur i pajetë trupi i shtetasit G.Sh, rreth 53 vjeç, banues në Starje-Ersekë.

Nga hetimet paraprake dyshohet se shtetasi i mësipërm është mbytur, si rezultat i vërshimit të ujit në këtë përrua (pas një shiu të rrëmbyeshëm që ka rënë në zonën e lartpërmendur). Grupi hetimor po punon për zbardhjen e rrethanave të ngjarjes. (D.D/Shuplaka)