Dy persona të pajetë janë nxjerrë rreth orës 18 në Thumanë, ndërsa konfirmohet se janë nënë e bir, Sardi Cuka 17 vjeç dhe nëna e tij, Mira Cuka.
Tashmë shkon në 22 numri i viktimave të konfirmuara në Durrës dhe Thumanë dhe Laç, ndërsa janë shpëtuar 45 persona të mbetur nën rrënoja. Gjithashtu mbi 600 të plagosur kanë marrë ndihmë mjekësore në të gjitha spitalet e 3 rajoneve.
Fax News raporton nga Thumana se ekipet e shpëtimit kanë mundur të nxjerrin, por të pajetë 2 anëtarët e një familjes Çupi të cilët ishin strehuar në momentet e tmerrit poshtë një tavoline, por pa mund t’i shpëtojnë goditjes fatale.
Përveçse orëve të gjata të qëndrimit poshtë rrënojave, forcat e shpëtimit e kanë pasur të pamundur ndërhyrjen pasi e gjithë godina pothuajse ishte thërrmuar.
Me kalimin e orëve vijnë duke u pakësuar shanset që nga gërmadhat e tërmetit 6.4 ballë të kësaj së marte në Durrës, Thumanë e Kënetë të dalin persona me shenja jete. Gjithsesi operacionet e shpëtimit vazhdojnë me shpresë dhe mbështetjen dhe forcave speciale nga Kosova.
Më të prekurit nga ky tërmet kanë qenë familja Lala në Durrës dhe familja Cara në Thumanë, të cilat pothuajse janë shuar komplet. (lexo)
Discussion about this post