Motra e 53-vjeçarit shqiptar Z. Halitaj, i cili u qëllua me plumb në kokë dhe tani ndodhet në gjendje kritike për jetën, hedh dyshimet se autori i kësaj ngjarje makabre duhet të jetë një mik i familjes, pasi një i huaj nuk e di ku ndodhen paratë.
“Ai ishte një mik. Nuk mund të shkojë një i huaj të grabisë dhe ta dinte për paratë.”, është shprehur ajo. Të afërm të çiftit Halitaj dhe fëmijëve të tyre kanë rrëfyer se e gjithë ngjarja e rëndë ka ndodhur përpara fëmijëve, përpara vajzës 17-vjeçare dhe djalit 28-vjeçar që është me problem mendore.
Kryefamiljari ndodhet në gjendje të rëndë për jetën e sipas tyre, nuk ka mundësi që ai të mbijetojë, ndërsa gruaja e tij ndërroi jetë pa mundur t’i mbijetojë plagëve.
Lidhur me grabitjen e shënuar në orën 02:00 të natës së 4 shkurtit, ata shprehen se masakruesit që mësynë për të vjedhur dhe përfunduan duke shkaktuar një tragjedi të vërtetë, janë shqiptarë. Të afërmit e shprehur kështu për “JOQ” u referohen fëmijëve që janë shprehur se dëgjuan autorët të flisnin shqip.
“Në shtëpinë e një të afërmit tim në Greqi u futën për të gjetur lekë dhe mbasi vodhën, i vranë gruan ndërsa të afërmit im i gjuajtën në kokë me pistoletë. Ai është ende gjallë por pritet të vdesë o sot o nesër. E gjithë kjo masakër u bë në prezencën e dy fëmijëve. Fëmijët thonë se folën shqip dhe se janë shqiptarë kafshët që bënë masakrën. Autoritet akoma s’i kanë kapur”, – është shprehur i afërmi. (XH.A/SHUPLAKA)
