Është rënduar bilanci i viktimave të tragjedisë shënuar pak ditë më parë në Athinë, që preku një familje shqiptare. Pas vdekjes së gruas shqiptare, nënë e dy fëmijëve, ka ndërruar jetë edhe bashkëshorti i saj, kryefamiljari 53-vjeçar.
Ai mbeti i plagosur me plumb në kokë dhe gjendja e tij paraqitej kritike, duke mos dhënë shumë shpresa për mbijetesë.
Çifti Halitaj ndodhej në vilën e tyre Athinë së bashku me dy fëmijët, kur persona të armatosur, ende të paidentifikuar hapën zjarr ndaj tyre. Sipas dëshmive të fëmijëve dhënë për familjarët, dyshohet se autorët e ngjarjes së rëndë janë shqiptarë dhe miq të familjes, të cilët kishin dijeni për shumën e parave.
Policia greke është duke hetuar në dy pista. Veç pistës së grabitjes, dyshohet që mund të ketë qenë larje hesapesh. ipas ekspertëve të çështjes, fakti që vrasësit nuk qëlluan ndaj dy fëmijëve lë vend për dyshime se bëhet fjalë për larje hesapesh. (XH.A/SHUPLAKA)
