Burime për Fax News kanë zbardhur foton e të ndaluarit tjetër për vrasjen e Agim Bucit dhe plagosjes së bashkëshortes Merita, dy netë më parë më 25 prill.
Ai që shihni në foto është Vladimir Kurti, personi që dyshohet se ka shkrepur armën duke i marrë jetën Agim Bucit.
Megjithatë burime mediatike bëjnë me dije se Kurti nuk është emër i panjohur për policinë. Në dhjetor të vitit 2010 Kurti së bashku me një person tjetër rrëmbyen një taksist në qendër të kryeqytetit dhe nën kërcënimin e thikës i morën atij celularin dhe sasinë e parave që kishte me vete.
Njësoj si atëherë, edhe ditën e sotme pas ndalimit ai është shprehur i penduar dhe ka pranuar të bashkëpunojë me policinë për të lehtësuar pozitat.
Discussion about this post