Analisti Dritan Hila ka reaguar pas tragjedisë së katërfishtë në Vlorë, ku katër të rinj humbën jetën në detin e trazuar.
Hila bën thirrje që të vendosen roje bregdetare në plazhe, pasi kjo sipas tij mund të kishte shpëtuar disa jetë sot.
“Me kollaj mbytesh ne nje govate me uje se ne Zvernec.
Megjithate meqenese kam qene notar e di qe te shpetosh nje njeri duke u mbytur eshte mision shume i rrezikshem pasi mund te mbytesh vete nese nuk di si ta kapesh viktimen. Vendosni rojen bregdetare. Do kishte shpetuar dy jete dhe kursyer nje te trete sot.”, reagon Hila.
Kujtojmë se katër të rinj kanë humbur jetën ditën e sotme. I pari ishte një 14-vjeçar, i cili u mbyt pranë zonës së Ujit të Ftohtë.
Pak orë pas tij, në Zvërnec u mbytën tre të rinj të tjerë. Dy vajza nga Vlora dhe një djalë nga Tetova e Maqedonisë. Ky i fundit ishte futur në det për të shpëtuar dy vajzat që po mbyteshin, pas thirrjes për ndihmë të motrës së tretë të tyre. Në përpjekje për të shpëtuar vajzat e panjohura, Benjamin Ferati u mbyt edhe vetë.
Kujtojmë se mbi 40 të rinj që përpara 2 vitesh u trajnuan në vendet e rajonit dhe në Shqipëri me ekspertë të edukimit fizik në universitetin e Sporteve por të cilët përfunduan të papunë. Bëhet fjalë për projektin e “Bayëatch-ve”-rojeve në bregdete të certifikuar për sigurinë në plazhe, projekte që ka shkuar në miliona lekë por që sot nuk u erdh në ndihmë asnjërit prej të rinjve. (D.D/Shuplaka)
