Një tjetër detaj është zbuluar nga tragjedia në Vlorë, ku humbën jetën tre të rinj në plazhin e Zvërnecit pranë Portonovës në Vlorë.
Mësohet se dy vajzat që u mbytën ishin motra. Sakaq, në momentin kur ato ndodheshin në rrezik, motra tjetër e tyre i ka kërkuar ndihmë shqiptarit nga Maqedonia, që t’u shpëtonte motrat.
Kështu motra dhe i riu janë future në det për të shpëtuar dy vajzat që po luftonin me dallgët e forta, mirëpo pas përleshjes me dallgët, vetëm njëra arriti të shpëtonte gjallë. E vetmja e mbijetuar është vajza që i ka kërkuar ndihmë të riut nga Maqedonia.
Sipas gazetarit Enrik Mehmeti, ka qenë pikërisht ajo e cila ka njoftuar dhe policinë. Gjatë dëshmisë që ajo dha për efektivët e policisë, ka pohuar që ka qenë ajo që i ka kërkuar ndihmë të riut të shpëtonte motrat. Mirëpo për fat të keq ky i fundit humbi jetën edhe vetë. Policia nuk jep më detaje të tjera.
Kujtojmë se gjatë ditës së sotme, pranë Ujit të Ftohtë në Vlora ka humbur jetën edhe një djalë 14-vjecar. (D.D/Shuplaka)
