Ka nisur ceremonia shtetërore e homazheve dhe përcjelljes për në banesën e fundit të 18 viktimave të tragjedisë në Genova.
Mes dhimbjes për humbjen e rëndë, në homazhet shtetërore marrin pjesë qindra persona, mes tyre familjarë, të afërm, por edhe qytetarë. Ndërkohë forcat zjarrëfikëse që janë përaqitur në ceremony janë duartrokitur nga të pranishmit.
Shumë familje, në fakt, kundërshtuan funeralin shtetëror, ndërsa 20 viktima u varrosën dje në rite private, shkruan ‘Tgcom’. “Nuk duam një ceremoni farsë”, tha dje babai i një prej 4 viktimave nga Torre del Greco.
Mes viktimave ndodhen edhe trupat e dy të rinjve shqiptarë Marjus Djerri 22- vjeç dhe Admir Bokrina 28 vjeç.
Arkivolet e tyre siç duket edhe në fotot e shpërndara në mediat italiane janë mbuluar me flamurin kuq e zi.
Ndërkohë, dita e sotme është shpallur ditë zie kombëtare pas tragjedisë së rëndë që goditi Genovan më 14 gusht, ku shteti italian do të ulë flamujt në gjysmë shtizë.
Bilanci I tragjedisë u rrit sot duke shkuar në 41 viktima. Mes rrënojave u gjet një familje.
(B.H/FaxWeb)
