Tragjike/ 6-vjeçarit në Dibër i bie porta në kokë, humb jetën

Një fëmijë 6 vjeç ka gjetur vdekjen si pasojë e një ngjarjeje të rëndë në Dibër.

Reth orës 10:15 të ditës së sotme urgjenca e spitalit ka njoftuar policinë se është sjellë në spital një fëmijë 6-vjeçar nga familjarët e tij, pa shenja jete.

Policia ka shkuar në spital dhe ekspertiza mjeko-ligjore ka konstatuar dëmtime në kokë.

Nga veprimet e para hetimore rezulton se fëmija A.S., 6 vjeç banues në lagjen “Sule”, njësia administrative Fushë-Çidhën, Dibër, kishte shkuar tek shtëpia e dajës së vet në fshatin Blliçe-Dibër, dhe duke luajtur në oborr me portën e hekurit me shina është shembur porta duke e goditur në kokë fëmijën 6-vjeçar.

Si pasojë e goditjes fëmija A.S., ka humbur jetën. Grupi hetimor vijon veprimet për zbardhjen e plotë të rrethanave të ngjarjes. (B.H/Shuplaka)