Tragjike/ E përplasi kamioni te “Rruga e Kavajës”, vdes në spital 21-vjeçari (Emri)

21-vjeçari i cili u përplas dje në mbrëmje nga një kamion, ka ndërruar jetë në spital. Viktima është Florian Bezhani, i cili nuk ka mundur t’u rezistojë dot plagëve të marra.

Aksidenti i rëndë ndodhi rreth orës 19:25 në rrugën e ‘Kavajës’, ku kamioni me drejtuesin P.N e ka përplasur 21-vjeçarin Florian Bezhanin i cili në momentin e aksidentit po lëvizte me biçikletë.

Ndërkohë policia arrestoi dhe drejtuesin e mjetit, dhe po hetohen shkaqet e këtij aksidenti me pasoja fatale.