Një ngjarje e rëndë ka ndodhur në Pukë ku dy të rinjë janë gjetur të vdekur në zonën e Buzhalës, të njësisë administrative Qelez në vendin e quajtur Maja e Pikave.
Dy të rinjtëTaulant Pjetri dhe Kristaq Maka janë të moshës 19 dhe 24-vjeç të cilët mësohet se kanë qenë prej dy ditësh në bjeshkë duke ruajtur bagëtitë.
Sipas burimeve dy të rinjtë ishin bashkë në një stan prej dy ditësh dhe ngjarja mendohet se ka ndodhur për shkak të motit të keq që ka pushtuar gjatë ditës së sotme gjithë territorin.
Ata mësohet se kanë rënë në një greminë në një zonë malore, si pasojë e motit të keq dhe erës së fortë.
Ndërkohë bëhet me dije se pas marrje së informacionit nga banorët e zonës policia është nisur për në vendin e ngjarjes.
Deklarata e Policisë:
Më datë 23.02.2019, rreth orës 14:00, nga familjarët , janë gjetur të pa jetë në greminë shtetasit T. P. 20 vjeç dhe K. M. 24 vjeç, banues në fshatin Buzhalë.
Nga veprimet paraprake dyshohet të jenë rrëzuar në vendin e quajtur Maja e Pikave në kufi me Komanin, të cilët prej dy ditesh kishin dalë për të gjetur bagëtitë në Mal.
Grupi hetimor po punon për sqarimin e rrethanave të kësaj ngjarje.
(F.GJ/FAXWEB.AL)
