Pas kërkimeve nga ekipet e shpëtimit, nga gërmadhat e hotel “Tropikalit” në Durrës, është nxjerrë trupi i pajetë i 24-vjeçarit nga Kosova, Isa Abazit. Ndërkaq është konfirmuar tashmë se ka vdekur edhe vëllai i tij, Shemsedini. Në rrënojat e objektit po vazhdojnë përpjekjet për të nxjerrë trupin e pajetë të tij.
Gjatë ditës së sotme është raportuar se dy vëllezërit nga Kosova, Isa e Shemsedin Abazi janë ngujuar nën rrënojat e një hoteli në Durrës si pasojë e tërmeteve që goditën Shqipërinë nga orët e para të së martës.
Ndërkohë, kryetari i Aleancës Kosova e Re (AKR), Behgjet Pacolli ka shprehur ngushëllimet ndaj dy vëllezërëve kosovarë që humbën jetën ditën e sotme nga tërmeti në Durrës.
Përmes një statusi në ‘Facebook’, Paçolli ndan dhimbjen për Shemsedin dhe Isa Abazin nga Gjilani.
‘Shemsedin dhe Isa Abazi, dy vëllezër nga Gjilani janë dy nga viktimat e sotme. Ngushëllimet e mia më të sinqerta familjes Abazi. Ne ndajmë dhimbjen tuaj’, shkruan Paçolli.
Discussion about this post