Tragjike në Librazhd, i riu hidhet nga Ura e Bushtricës, gjen vdekjen e menjëhershme

 Një 17-vjeçar është hedhur nga ura e Bushtricës në Librazhd. I riu është nxënës i vitit të tretë në gjimnaz, ndërsa ka gjetur vdekjen e menjëhershme.

Sipas asaj që thonë familjarët, i riu prej disa ditësh ishte në një gjendje të rënduar psikologjike. Sot nëna e të riut i kishte kërkuar mësueses kujdestare që ta kishte kujdes gjatë mësimit pasi nuk ndihej mirë.

Inicialet e të riut janë F.F, ndërsa familja e tij jetonte në fshatin Qukës. Policia ka mbërritur në vendngjarje dhe po punon për zbardhjen e rrethanave të plota të ngjarjes. Paraprakisht thuhet se në trupin e të riut nuk janë konstatuar shenja dhune. 

(E.K/FAXWEB)