Tragjike në Pogradec, zjarri shkrumbon shtëpinë, vdes djali e dëmtohet nëna

Një ngjarje e rendë ka ndodhur pak para mesnate në Pogradec ku zjarri shkrumboi një shtëpi.

Zjarri u konstatua rreth orës 23:00 në fshatin Bishnicë, Moker.

Nga zjarri ka gjetur vdekjen një 30 vjeçar me inicialet I.E dhe ka marrë dëmtime të shumta trupore nënë e tij B.E.

Nga zjarri është djegur tërësisht banesa dhe në një nga dhomat është gjetur edhe trupi i pajetë i 30-vjeçarit. 

Nëna e tij u dërgua për të marrë ndihmën e nevojshme mjekësore në Spitalin e Pogradecit. Grupi hetimor po punon për zbardhjen e rrethanave të ngjarjes. Edhe pse policia dhe zjarrëfikësja kanë mbërritur në vendngjarje ka qenë e pamundur shmangia e tragjedisë. (E.K/SHUPLAKA)