Tragjike në Tiranë, 90-vjeçari bie nga kati i gjashtë, humb jetën

Një ngjarje e rëndë ka ndodhur në Tiranë në orët e para të mengjesit të sotëm, ku një i moshuar me inicialet F.S ka rënë aksidentalisht nga kati i gjashtë i pallatit ku jetonte, duke gjetur vdekjen e menjëhershme.

Ngjarja ndodhi rreth orës 04:00, në rrugën “Eshref Frasheri”.

Njoftimi i plotë i policisë

“Më datë 25.06.2018, rreth orës 04:00, në rrugën “Eshref Frasheri”, nga kati i 6- të i banesës dyshohet të ketë rënë aksidentalisht nga lartësia, shtetasi F. S., 90 vjeç, banues në Tiranë, i cili ka gjetur vdekjen”, bën me dije policia.

Materialet u referuan në Prokurori pranë Gjykatës së Shkallës Parë Tiranë, për vlerësim

(K.B)