Trajneri i Kairatit “zbutet” pas humbjes: Urime, fituat me meritë

Trajneri i Kairat Alamati, Kakhaber Tshadadze, ka pranuar humbjen dhe eliminimin e skuadrës së tij nga ekip i Skënderbeut natën e mbrëmshme.

Ai u shfaq i dëshpëruar në konferencën për mëdiat pas ndeshjes dhe pranoi se ekipi shqiptar kishte një nivel më të lartë në fushën e lojës.

“Korça feston, fitoi me meritë dhe kaloi turin. Urime! Ne deshëm të fitonim, por Skënderbeu luajti më mirë se ne. Sot, shumë gjëra nuk shkuan siç duhej, nuk arritëm të luanim në sulm”, tha ai.

Kujtojmë që para ndeshjes së djeshme trajneri i Kairatit dhe sulmuesi i kësaj skuadre deklaruan me arrogancë se kualifikimi për ta ishte i sigurtë pasi do ta mundnin Skënderbeun pa probleme, madje ata deklaruan se ekipi shqiptar nuk ka cilësi. Fusha e lojës tregoi të kundërtën, Skënderbeu jo vetëm që e mundi por ishte dhe superior ndaj kundërshtarit. (B.H/Shuplaka)