Trajneri i Italisë, Xhampiero Ventura ka hedhur poshtë lojën e Kombëtares shqiptare duke e cilësuar fitoren e sotme të italianëve plotësisht të merituar, duke deklaruar se Shqipëria kishte bërë shumë pak për të rrezikuar suksesin e të kaltërve.
“Në fillim kishim dëshirë për të treguar veten më shumë se sa duhet dhe kishte shumë vëmendje ndaj nesh. Nuk kishte rrjedhshmërinë e duhur. Por duhet theksuar se pas 30 sekondave të para nuk kishte më asnjë gjuajtje drejt Bufon. Pjesa e dytë ishte më e mirë në planin e mentalitetit të lojës. Ishte një hap i vogël para dhe ekzistojnë kushtet për të bërë mirë”, tha trajneri italian Ventura.
Përkundër humbjes 2-0, Xhani De Biazi është i kënaqur me lojën që Shqipëria bëri sot kundër Italisë.
Në një prononcim për TVSH-në pas ndeshjes së luajtur në Palermo, tekniku italian bëri këto komente:
“Kur luan me skuadra si Spanja dhe Italia, është e vështirë të gjesh golin. Mendoj se sot bëmë një ndeshje të mirë. Kundërshtari nuk e priste një sistem të tillë loje nga ana jonë. I vumë në vështirësi, por duhet të kishim shkuar deri te goli.
Ishim të organizuar, nuk u shpërqendruam asnjëherë. Kishim lojtarë që nuk janë aktivizuar mjaftueshëm në ekipet e tyre, megjithatë paraqitja e ekipit ishte e mirë. Kemi humbur një ndeshje të pranueshme për nga mënyra si shkoi” tha De Biasi. (M.D/ Shuplaka)
Napoli 27-10-2013 Stadio San Paolo
Football Calcio Serie A 2013/2014
Napoli – Torino
Foto Andrea Staccioli Insidefoto
Discussion about this post