Zëvendëstrajneri i kombëtares shqiptare të futbollit, Paolo Tramexani, ka folur për median italine rreth të ardhmes së të rinjëve kuqezinjtë që luajnë përtej adriatikut.
“Kemi të rinjë që luajnë në klube të ndryshme në itali, si tek Milani, Altalanta, Inter apo dhe Roma dhe skuadra të tjera. I kam ndjekur dhe mendoj se janë djem që kanë dëshirë të madhe, uri për tu stërvitur maksimalisht me akademitë italiane. Kjo është pozitive për të ardhmen e tyre, pasi do të ndikojë shumë në rritjen e tyre si futbollistë profesionistë”- tha Tramexani.
Një tjetër talent me rëndësi për ngjyrat kuqezi i rritur nga akademitë italiane që luan për fanellën e Peskarës është edhe Rei Manaj. Sulmuesi 19-vjeçar nuk ka gjetur shumë hapësirë tek “delfinët” as te Përfaqësuesja jonë, ndaj ka kaluar një periudhë të vështirë.
Mirëpo, Tramexani beson te talenti i lushnjarit dhe e këshillon që të punojë më shumë për ardhmen e tij.
“Rein e njoh prej 5 vitesh, që në kohën kur aktivizohej me të paratrinjtë e Sampdorias. Madje, më kujtohet që i bashkohej shpesh të rinjëve të cilët ishin tre vite më të mëdhenj se ai. Manaj është një sulmues i madh, i ftohtë në metrat e fundit. Këto vitet e fundit nuk ka marrë shumë minuta as tek Interi dhe as tani tek Peskara, për shkak se nuk ka shumë hapësira. Gjithsesi, e këshilloj të punojë akoma më shumë në stërvitje që ti japë vetes mundësi për të luajtur”- përfundoi tekniku i kuqezinjëve.
Discussion about this post