Paolo Tramexani nuk do të jetë më asistenti i Xhani de Biazit në stolin e Shqipërisë. Mungon vetëm zyrtarizimi nga klubi zvicerian për marrjen e drejtimit të Luganos nga tekniku italian.
Ish-mbrojtësi i Interit, Venecias, Tottenhemit dhe Atalantës do të nisë eksperiencën më të re si trajner në kampionatin zvicerian.
Pas shkarkimit të Andrea Manzos që erdhi qershorin e kaluar, Tramexani ka regjistruar një përvojë pozitive me Kombëtaren Shqiptare dhe do të marrë tani drejtimin e ekipit të Luganos- raporton Radiotelevizioni Zviceran (RSI).
46-vjeçari është parë si alternativa e duhur nga presidenti Renzetti Angelo për të shpëtuar ekipin nga rënia në Ligën e dytë.
Tramexani ka pasur rol të rëndësishëm për suksesin e Kombëtares Shqiptare që arriti të kualifikohet në “Euro 2016” në Francë.
