Emërtimi i Paolo Tramexanit në stolin e Luganos ka bërë që mediat të hulumtojnë rreth lojtarëve që tekniku italian mund të afrojë në skuadër për të siguruar edhe qëndrimin në Superligën Zviceriane.
Njëri prej emrave më të lakuar është sulmuesi i kuqezinjve Armando Sadiku.
Në një intervistë për mediat helvete, Tramexani theksoi se Sadiku është një lojtar cilësor që kërkohet nga ekipe më të mëdha se Lugano.
“Armandon e njoh shumë mirë por nuk besoj se kjo mund të konkretizohet… edhe pse kurrë nuk duhet thënë kurrë. Por është e vërtetë gjithashtu që Sadiku kishte mundësinë të shkonte në Serinë A, në Bundësligë dhe Angli”, deklaroi Tramexani.
Discussion about this post