Gjykata në Passua të Gjermanisë ka dënuar një shtetas shqiptar me pesë vjet e gjashtë muaj burg, për trafik droge.
58-vjeçari shqiptar, në tetor e vitit 2016 kishte transportuar 230 kilogramë marijuanë nga Shqipëria për në Gjermani, kur droga ishte fshehur në arka plastike që ishin boshe dhe me destinacion Holandën.
Ai ishte zbulimi më i madh i drogës në Bavari në vitet e fundit.
Shoferi 58-vjeçar është betuar se është i pafajshëm në procesin dyditor, duke ngatërruar shpesh deklaratat e tij, që ishin kontradiktore. Gjithashtu edhe dokumentet e transportit ishin të falsifikuara, shkruan Br.de.
Gjykata gjithashtu pretendon se i akuzuari kishte bërë edhe më parë katër dërgesa të ngjashme të drogës. (M.D/Shuplaka)
